17、番外二：知己携夜色奔波 ...
-
十五岁荒唐，无聊透顶。
命中注定冇苦搵苦食，深夜留信逃出屋企，几百亩庄园睇都唔睇。
笑得好似灿烂阳光，翻山越野闯入厅堂，命中已注定，挚友同一命。
话係迷恋？或者相信。
牵手飞驰，好一个“知己携月色奔波”。
两个懵头仔唔知世间苦事，得得意意飞出家笼，北上SZ，分文冇攞，点算好呢？
打工囉，黎故少爷仔金娇肉贵，就算知道冲动奔赴，唔后悔，但心中都会忐忑嘎……先唔会，因为佢嘅friend叫何镜世，所以好耐之后黎故回忆，讲：
“哈哈哈佢点会俾我食苦呢，最开始嗰五日，哩隻少爷仔，身强力健，日工嚟钱快，佢揾本钱，我拣靓货。”
讲到呢度嘅时候，佢眼中回忆色彩飘过，轻声笑下：
“原来哩个世界上阳光係要钱嘎，我哋最开始嗰个出租屋，暗无天日啊……”
我冇做过餸，连鸡蛋同皮蛋都分唔清，饭都唔识煮，镜仔做咗一日工返嚟，仲冇饭食，可怜死死喽，但係佢唔会俾我食苦，佢牵住我隻手，话：
“故仔，你信我，你可以同我食苦，咁我就会保护你到食唔到苦，如果你想返去，靠家族按部就班都冇事，反正我哋最后都要走哩条路嘅，我宜家就係确认，赌台上，我有几多筹码。”
黎故笑咗几声，然后转转手中嘅戒指，话：
“嗰阵间我惗：我先唔想输俾佢。”
佢搵钱搵得好快嘎，但係一开始冇钱嘅时候我哋连天桥洞都瞓过，有人问我点解要冇苦硬食，但係我反正觉得，世界咁精彩，仲有佢在身边，怕咩啫。
嗰时候细细隻出租屋入边，鬼死咁近，一啲太阳都冇，我就唔锺意在入边囉，反正从小到大养得开怀，同镜仔一齐去卖卖小商品，两个靓仔，讲嘢又好听，大把人嚟帮衬。
咁样慢慢地，又识英文，机缘巧合在攞货嘅时候识咗一个大佬，帮佢做做外贸单，发晒大财，我哋就从出租屋入边，搬到小区。
终于有太阳啦，我就係出租屋入边执嘢，讲得又得意嚄，离开嗰阵先知道或者都係有好嘢嘅。
楼下嘅叉烧饭十点之后打七折，我唔想去煮饭嘅时候就同镜仔一起落去食，兄弟情义重，出租屋出边嗰条街，全都係嘢食，平时觉得佢嘈，但係又係好香。
哦，佢有一曰，我哋未卖晒啲花，就攞返屋囉，点算好啊，冇阳光，我就同镜仔一起行夜街，啱啱好，执到一个人家饮晒嘅酒瓶，我哋两个笑嘅好似唔使钱咁样，把玫瑰，向日葵，仲有啲细细桂花仔撒入去，然后放到我哋嘅床灯旁边，两个傻仔睇住佢笑，嗰阵时觉得，未来大把希望哈哈哈哈哈。
肯定只有一个床啦，最开始仲冇空调呢，两个大男仔一起，係晒汗，仲笑咁开心，同吃苦，同共福，慢慢，黎故终于知道点煮饭啦，但仲係晚黑超级晏嘅时候话。
“饿。”
然后镜仔就摸住光，在细细个床前边，围住个细细嘅炉，睇住佢认真煮面俾我食嘅样，嗰时候我惗：
“兄弟，行一世啦。”
作者有话说
第17章 番外二：知己携夜色奔波
