99、你是我的眼（结局3 C）没有父亲的父亲节 从今以后， ...
-
“老公，父亲节快乐，今日我带念念嚟探你咯！”文强将细女从身前的腰凳中解下，放她在一旁的草坪上跌跌撞撞行走，跟住从自己身后的背包里拿出一张手工卡片摊开在墓台前，“今日心心要考试，佢嚟唔到，不过我都带埋佢写嘅卡片了。清明嗰日家姐佢哋都带咗佢嚟过，你应该都睇到啦，放心咯。”
拭净墓碑与墓台上的尘埃，刻着“英年早逝”字样的石碑又恢复洁净干爽。文强不自觉又伸手抚上他的脸颊，石碑冰凉的触感给她的指尖带来一丝凉爽，有如曾经的他夏日温凉的皮肤，牵住她也不觉烦。
“清明嗰日我冇嚟到，係念念发烧，我要睇住佢，你唔会嬲噶？”文强侧身坐在墓台上，望住他轻声道，“我唔係揾借口……你啱啱走嗰时，我真係好难过，睇到你用嘅嘢都冇力噶。所以旧年清明之后，都係到年初旧历牛一我先够胆嚟。宜家过咗咁耐，我都慢慢接受到。其实阿嫂讲嘅啱，我哋当差，呢啲嘢係预咗嘅了。”文强转头，望望身边在草地里打滚不知愁的女儿，又转回头笑了笑道，“都係要多谢你俾咗念念我，呢一年凑住佢，我先觉得冇咁难捱，唔係嘅话，我可能都唔知点算。”
“仲记得结婚嗰晚，你抱住我，话揽住嘅係一头家嘅重量，从今以后，我哋一家三口要开开心心。宜家我哋头家都仲係三个人，但係你已经唔喺度了。不过……虽然唔算齐齐整整，我哋感情应该都算好好，你走嗰时，除开冇得陪住我哋，应该都冇乜遗憾吧。”望住自己左手上的婚戒，文强顿了顿，跟住叹了口气道，“唔知你老死有冇话你知，佢搞紧离婚了，听讲佢喺出边有人喔……我点都估唔到，咁多兄弟入面，头一个婚变嘅，居然係佢。你睇，做人几化学？一世人流流长，其实由拉埋天窗能行到最后嘅，又能有几个？不过……如果摞离婚同死嚟比，我都唔知自己情愿拣边样。你讲咗你唔会同我讲分手，咁我都唔舍得嘅，惗返起嗰年我哋冷战，后尾你追上律师楼讲数，哎，你真係好傻，不过我好中意。”文强抿抿嘴，唇角露出几丝笑意。
“ma~ma~ma~”念念不知几时爬上墓台，手脚并用朝文强挪过来。
文强忙将她抱到自己身前，轻轻拍开她身上粘着的草叶，再指了指学礼张相同她道，“嗌爸~爸~”
“ba~ba~”念念并不畏生，笑嘻嘻跟着重复道。
“係啊，爸爸，呢条裙都係佢同我一起拣嘅，仲有呢啲防蚊贴都係佢一早买咗俾你噶，赶走嗮啲虫虫噶~”文强拍了拍女儿身上鹅黄色的连衣裙和裙摆上小象图案的防蚊贴，又点点女儿的面颊笑道。
“chiong~chiong~ba~ba~”念念朝文强歪头甜笑，跟住又挣开她的怀抱爬落到草地上四围走。
“爸爸唔係虫虫啦！”文强朝她那不停跑动的小身影，哭笑不得念了句，复又转头同他道，“你睇，佢都行得几好，啱啱一岁度可以行到咁，都有返你嘅遗传啦~係咪好得戚咧~咪俾你得戚咯，今日你过节嘛！”文强好脾气地道了句。
“你放心，个个都好锡住佢噶，daddy今晚仲要同佢搞个生日party，我都听家姐话仲有个教育基金搞紧嘅~我哋都会代你睇住佢大，咁你都要保佑佢健健康康平平安安喔~”文强点点他下巴，挑挑眉道，“傻佬，知唔知？咁……你唔出声我都当你应承咯~好了，我要凑心心放学了，唔同你讲住了。”文强倾身吻上那帧始终沉默的黑白小照，“师兄，再见了~”
“念念，嚟了，我哋要走了。 ”文强喊住在一旁绕着树乱蹿的女儿，过来道别。
“ba~ba~chiong~chiong~ba~”念念摇头晃脑行过来，口里念念有词道。
“嚟，同爸爸say byebye了~”文强将她拉进怀中，整理过因先前这一阵运动蹭乱的发丝，取下发夹打算重新夹过，不料她摇摇头，小手按在文强给她别发夹的手上不放。
“做乜啊？係咪整亲咗边度痛咧？”文强不解，停下手中动作问道。
“ba~ba~chiong~chiong~”念念自头顶上取过发夹，搁在学礼照片前方不松手，转头看文强。
“惗住俾爸爸咧係咪？”文强忽得有些鼻酸，却又红着眼圈含笑接过这嵌着小小花儿的发夹，轻轻放在墓碑正上方，又俯身同她柔声道，“爸爸收咗了，佢好中意念念嘅礼物噶~”复又亲亲她面颊。
“ba~ba~”念念笑着抚过身前这块高过她刻着字的石碑，由母亲牵着手带离。
作者有话说
第99章 你是我的眼（结局3 C）没有父亲的父亲节
